当前位置:主页 > R生活节 >外嫁西班牙 香港人妻不习惯的 7 件事 >

外嫁西班牙 香港人妻不习惯的 7 件事

发布时间:2020-06-28作者: 阅读:(174)

之前TVB就拍咗套《嫁到这世界边端》,每集都讲唔同香港女仔嫁去外国的故事。女生嫁到外地后生活有咩唔习惯?人妻真正在外地生活,比我们旅游了解到的会更深入。这次记者去西班牙的华伦西亚,特别找来嫁到当地、 移民西班牙 的香港人Daisy,乘机访问一下到底西班牙文化与香港有咩差异!

移民西班牙 全因有个好老公

全靠在华伦西亚学习西班牙文的朋友,转折识到嫁去西班牙刚好一年的香港人妻Daisy。因工作关係,Daisy 与西班牙籍丈夫Ernesto 于2011年在非洲邂逅, 经历两年多的「Long D」,二人决定结婚,嫁到华伦西亚。「因为曾在外国生活过,所以有晒心理準备,这边不会像香港般五光十色,又多美食。但庆幸华伦西亚是西班牙第三大城市,不是乡郊地区,所以还可接受。反而很多人误会嫁去西班牙是因为欧洲国家很民主,或社会制度健全,实际上这里贪污问题猖獗,年轻人失业率又高达50%,比较之下,我是喜欢香港,但重点是西班牙这里有个爱锡自己的好老公,当然选择西班牙啦!」

外嫁西班牙 香港人妻不习惯的 7 件事
Daisy 去到西班牙后,也相当快融入他们的朋友圈。
01|最唔惯冇滚水

嫁鸡随鸡的Daisy 说在西班牙的生活没有太大冲击,但其实住耐咗,发现有几样生活家居的微小习惯,与香港好唔同。「最大不同是西班牙人都不饮热滚水,更不用奢望有热到出烟的汤,他们只爱饮室温暖水,当时发现老公家中就连暖水壶也没有,真係好惊讶!」

外嫁西班牙 香港人妻不习惯的 7 件事
Daisy想饮热水,特别在香港带来热水煲,她说如果饮热茶,西班牙人多数会用微波炉放茶包与水去叮。

反问Ernesto为甚麽不爱热水?他笑一笑咁话:「可能因为这边天气热,哈哈!其实我也不知道,就是从小到大妈妈也不会给热水我饮,味道怪怪的!」当地曾有提醒服务中国旅客的小册子写明「中国人吃饭或肉,要奉上热水」,被中国网民耻笑:「蠢!咁都要写明?」实则西班牙人真係冇饮热水概念,就好像我们也很少饮冻汤一样。

外嫁西班牙 香港人妻不习惯的 7 件事
二人都在外地生活过,起居饮食没太大问题,不过Ernesto劲好客,次次朋友来访都攞条西班牙火腿出来招呼!
02|悭家靠罐头

食罐头食物就係平嘢、唔健康?西班牙係第一个发明油浸罐头的地方,好多海鲜类的罐头都劲新鲜,在餐厅叫的菜式不少都係开罐头直接上菜,在家则惯常把罐头当成饭前tapas,所以成个厨房柜都係罐头係好正常!

外嫁西班牙 香港人妻不习惯的 7 件事
食罐头唔代表不新鲜,而且同样美味!
03|冻咖啡唔冻

除了热水,西班牙餐厅、café亦没有冻咖啡提供,大家最多只可以叫「咖啡加冰」,冰与咖啡会分开上,大家去当地千祈唔好因为咁而投诉呀!

外嫁西班牙 香港人妻不习惯的 7 件事
喜爱冻啡的,去到西班牙可能就不太习惯了。
04|只饮支装水

西班牙水喉水基本可以直接饮用,但Ernesto家中却储备大量支装水,他指:「不同地区,水质味道也不一样,例如马德里的水喉可能较新,没有怪味,但华伦西亚的水喉水就有怪味,所以本地人多是买支装水回家直接饮用。」

外嫁西班牙 香港人妻不习惯的 7 件事
欧洲不少地方都可以直接饮用水喉水,但不想饮到怪味,都是乖乖地饮支装水。
05|闭门瞓觉

西班牙人最出名的习惯莫过于「瞓晏觉」,很多传统餐厅、商店,都会在下午1点半至4点半休息作午睡时段,不过Daisy说现在很多新派公司都取消了这个制度,Ernesto工作都要朝十晚八。

外嫁西班牙 香港人妻不习惯的 7 件事
现时已经较少餐厅有午睡时间,去西班牙不用担心!
06| 疯狂吹水 食饭食成世

除了在家中唔惯冇热水,刚到西班牙与老公拍拖行街,亦有一样令Daisy觉得奇怪嘅事。「佢好似周围都係朋友,成日行过店舖、超市都会有人同佢打招呼,之后就企定定倾偈,倾几分钟,后来问番先知,原来佢哋唔识,只不过係西班牙人好热情,好锺意同人倾偈。」

外嫁西班牙 香港人妻不习惯的 7 件事
周街同人倾偈绝不出奇。

连唔识都咁锺意「呃水吹」,Daisy 话如果跟老公去朋友家庭聚会,平均一餐饭食2至3小时叫做「快」!西班牙人普遍8点放工,正式的晚饭正常10点才开始,饭后又会续摊到酒吧,所以凌晨2、3点才结束回家是等闲事,但翌日照样9点返工,瞓得咁少,唔怪得要午睡啦!

外嫁西班牙 香港人妻不习惯的 7 件事
尚在学习西班牙文的Daisy说经常出街吹水,令佢嘅西文突飞猛进!
时区的错 食长饭体验

相比起欧洲其他国家,西班牙人食饭仲晏过香港,有指可能因为西班牙列入错误时区!当年西班牙为了向希特拉表示忠心,将时间调快1小时与德国一致,但战后,曾更改时区的法国和英国又调回了原时区,只有西班牙没变,错时区再加上咁锺意吹水,亦解释咗点解西班牙人会食饭食到12点!但身为香港人,我始终惯咗食饭限定个半小时,食咁耐真係未试过,今次特登叫Daisy 约埋自己朋友与老公食一次饭示範畀我睇,但怕有排倾,所以特别约早咗9点就食饭!

9:00pm

Daisy约咗西班牙语老师同佢男朋友,与老公Ernesto 第一次见面,完全冇陌生见外的感觉,一开始冇停过倾足半小时,由天未黑倾到tapas 逐碟order逐碟清。

11:30pm

大家饭后未尽兴,同我讲决定步行去「附近」酒吧,谁知沿途路过不同地方,他们都会停下来倾偈,最后走了近半小时才到「附近」酒吧。

1:30am

凌晨12点后,再多几位刚食完饭的朋友加入,我发现过程中冇人玩手机,冇人上网send WhatsApp,呢种真正係朋友之间的对话,香港真係唔会见到!最后2点多,我宣布顶唔顺要走先!

外嫁西班牙 香港人妻不习惯的 7 件事
倾到凌晨2点,走得未呀?听朝要返早呀!
07| 西男多恋母?街头直击裙脚仔

Daisy 讲咗咁多我哋唔知嘅西班牙人习惯之后,其实我最想知道都係之前日本节目《日本人妻在远方》内所讲的「西班牙男人恋母情意结」的内容究竟係咪真?Daisy 就话:「单单睇我老公,我又唔太觉得係,只不过感觉上西班牙人的家庭观念都比较重,锺意有家庭聚会,这方面跟香港人都好似,所以我觉得冇问题呢!不过其他西班牙男生,我就不知道了!」

外嫁西班牙 香港人妻不习惯的 7 件事
市民恋母人版!子Alejandro、母Maricarmen。
裙脚仔苦主!日本人妻铃木郁实

为咗解构恋母说法係咪真,我就决定根据节目内容,在街头访问一下真正的西班牙男女,证实节目中指每个男子係咪真係如节目所讲用阿妈张相做wallpaper!发现癡情儿子就冇喇,但都卖口乖说世上只有妈妈好,一日打畀阿妈几次都係真事!

外嫁西班牙 香港人妻不习惯的 7 件事
由入门口开始,一见要揽揽锡锡几次,到阿妈走时,再三别三送先送到阿妈离开,唔知真係以为係热恋情侣。
外嫁西班牙 香港人妻不习惯的 7 件事
节目中西班牙阿妈係做教车师傅,足球明星竟然係佢学生,所以有合照留念,即使冇自己个样,阿仔都竟然将合照变手机wallpaper!
外嫁西班牙 香港人妻不习惯的 7 件事
每日阿妈成十几个电话打畀阿仔,阿仔每次听到都劲开心,完全唔会嫌烦。
相关阅读:嫁到这世界边端 港女找Mr.Right无分国界外嫁西班牙 香港人妻不习惯的 7 件事相关阅读:港、日人妻 vs 欧洲奶奶!‌文化冲突遇上婆媳纠纷!

外嫁西班牙 香港人妻不习惯的 7 件事

上一篇: 下一篇:

相关阅读